Assam tourism tihhmasawnna turin Priyanka Chopra a che chhuak dawn

Indian Actress Priyanka Chopra chuan inremna an lo siam tawh angin Assam tourism tihhmasawnna turin a thawk dawn a, kumin June thla hian short film siam a ni dawn a, hetah hian achang dawn tih, kar kalta Zirtawpni khan official-te chuan an puang.

Actress lar Priyanka Chopra leh Assam sorkar-te chuan kum 2016 khan tourism brand ambassador ni turin inremna an lo siam tawh a ni. Priyanka Chopra hian Assam tourism tihhmasawnna turin hna a thawk dawn a, nikum khan Assam hi a lo tlawh tawh a ni. June 20 khian Assam a pan leh a ng a, June 30 thleng a cham dawn a ni. A cham chhung hian tourism tih hmasawnna turin film siam a ni dawn tih, Assam Tourism Development Corporation Ltd chuan a sawi. Indo-American Chamber of Commerce buatsaihin ‘Indo-US Promotion of Travel and Tourism’ conference chu Guwaharti-ah buatsaih a ni a, he hunah hian state tourism department chuan an logo thar tur an tlangzarh a ni.