Covid-19 : Manipur sorkarin July 24 thleng school khar

Manipur sorkar chuan an state-ah Covid-19 hri kai an pun chhoh leh avangin state chhunga school-te chu July 24 thleng a khar.

Education School-a commissioner H Gyan Prakash chuan thupek tichhuakin, sorkar school, government-aided, private leh CBSE hnuaia school hrang hrangte chu khar vek turin a ti a ni. Prakash chuan tun hnaiah hri kai nasa taka pung lehin, positivity rate pawh 15% a kai chho leh tawh niin a sawi.

"Naupang kum 12 hnuai lamte chu vaccine pek an la ni ve lo a, hei vang hian Covid-19 hri an kai theihna hi a sang a ni," tiin thupek a tihchhuah hian tarlan a ni.

State chhunga sorkar leh government-aided school-te chuan June 20 aṭang khan summer vacation an hmang a, July 16-ah school hi hawn ṭan leh tur tih a nih laiin, hri leng vangin khar chhunzawm a ni rih dawn a ni.

Thawhlehni khan Manipur-ah hian hri kai hmuh chhuah thar mi 59 awmin, hri kai mek active case hi 216 an tling tawh.

Assam-ah hri kai thar 434 awm
Assam state-ah pawh Thawhlehni khan hri kai thar mi 434 an awm a, thla nga chhunga ni khatah hri kai thar an tam ber ni a ni.

Covid positivity rate hi 10.44% ah a kai tawh bawk.