AP-ah kawngpui siam phutin nawrh huaihawt

Arunachal Pradesh-a West Siang district headquarters, Aalo-ah Thawhlehni khan Bam, West Siang leh Likabali, Lower Siang district inkara national highway siam phutin mi tam takin nawrh an huaihawt.

Aalo Township Public Welfare Development Society (ATPWDS)chuan hemi ni vek hain rally an huaihawt bawk a, pawl hrang hrangin an thlawp a ni.

Mipui pungkhawmte chuan highway siamna tur hi kum 10 liam ta khan sanction a ni tawh tih sawiin, he kawngpui hi district parukten chakkhai an lakna kawngpui ber a nih thu an sawi.

ATPWDS chuan ni 30 chhung ngeiin kawngpui siam hna hi thawk turin sorkar an phut a, Package 1,II leh III-a hnathawh pawh enfiah turin 'top-level technical agency' ruat turin an phut bawk. Society chuan km 100-a thui kawngpui hi nakkum March thlaah siam zo hman ngeia tura phutin, siam zawh a nih loh chuan state khawpuiah nasa zawkin lungawi lohna lantir an tum tih an sawi a ni.