Assam district 21 ten tuilian tuar

Assam-ah district 33 zinga district 22-ten tuilian vangin harsatna an tawk mek. Kaziranga National Park pawh tuilian hian a chim tawh a ni. 

Ruahsur nasa vanga tuilian hian ziaawm lam a pan lo a, Inrinni khan mi pahnih an thi leh a, May 22 aṭanga tuilian vanga  thi hi mi 18 an tling tawh a ni. 

Oil India Limited chuan Guwahati aṭanga khawchhak lam km 530-a hla, Baghjan-a an oilfield chhehvel chu tuilian hian a chim avangin hna thawh zawng zawng an titawp lailawk. 

Central Water Commission chuan ruah a sur chhunzawm reng vangin state chhunga lui lian zualte chuan hlauhawm chhinchhiahna an pel vek tih a sawi a, MET office chuan Thawhlehni thlengin ruah nasa takin a la sur chhunzawm dawn tih a sawi bawk.