Meghalaya leh Tripura recovery rate sang

Tripura law and education minister Ratan Lal Nath chuan Covid-19 kai enkawl dam zat, recovery rate-ah Meghalaya leh Tripura chu ram chhungah a sang ber leh a dawttu an ni, a ti. 

Ram pum huapa recovery rate hi 58.24% a nih laiin, Meghalaya recovery rate chu 89.36% a ni a, Tripura hian dawtin 81.47% a ni tawh a ni. 

Nath chuan an state chu sample test tam lamah ram pumah parukna a ni tih sawiin, anni aia test rate sang zawk chu Andaman, Sikkim, Delhi, Jammu and Kashmir leh Goa-te an ni, a ti. Ram puma test rate chu mi maktaduai khata 5,535 a nih laiin, Tripura-ah chuan mi maktaduai khatah 15,050 test nei ang an ni a, Sikkim-ah maktaduai khatah 1,598 test neih sak ang a ni bawk.