Assam leh Meghalaya tan PAN card siam nan Aadhaar ngai lo

Revenue department chuan Assam leh Me­gha­laya-a chengte tan Per­manent Account Number (PAN) Card siam dawnin Aadhaar an neih kher a ngaih loh thu a tarlang.

Sorkar thuchhuah chuan Assam leh Me­ghalaya bakah hian Jammu and Kashmir-a chengte leh kum 80m chung lamte tan PAN card siam nan Aaadhaar neih kher a ngaih loh thu leh Income Tax Return (ITR) atan pawh Aaadhaar a ngaih loh thu a tarlang. Finance ministry chuan Aadhaar number emaw enrolment ID nei lo, Assam, Jam­mu and Kashmir leh Meghalaya-a chengte hnenah ngaihnathiamna pek an nih thu hi a tarlang ve bawk. Sorkar laipui chuan thupek chhuahin, Finance Act 2017 tlawh­chhanin mipuiten chhiah an pek nan Aadhaar emaw enrolment ID an neih ngei a ngai tawh dawn a, PAN card siam tur pawhin Aadhaar neih ngei ngei a ngai dawn a ni. He thupek hi July 1, 2017 aṭanga hman ṭan tur nia tarlan a ni.