Dhola-Sadia bridge-in ram venhim kawngah a pui ang : Assam CM

Assam Chief Minister Sarbananda Sonowal chuan May 26-a hawn tur Dhola-Sadia bridge chuan ram venhim kawnga nasa taka a puih a beisei thu a sawi.

Arunachal Pardesh leh Assam inkalpawhna tur, Dhola-Sadia bridge hi Prime Minister Narendra Modi chuan a hawng dawn a, ram chhunga lei sei ber a ni ang. Assam CM chuan he lei hi hawn a nih hunah chuan inkalpawhna leh insumdawn tawnna mai bakah, International border venhimna atan a pawimawh hle dawn a ni, a ti. Sonowal chuan ṭhenawm ram China nen inrina Arunachal ramri venhim kawngah a ṭangkai hle dawn niin a sawi bawk.

Assam CM hian he thu hi Thawhṭanni-a high level review mee­ting, Dhola-a neih a hman­puinaah a sawi a ni.

Meeting-ah hian Dhola-Sadia bridge chungchang sawiho a ni a, a dawh hna hi May 22-ah zawh fel a ni dawn a, May 26-ah hawn anih tur thu an tarlang.

Lei sei zawng hi km 9.16 zet a ni a, Assam-a Sadia leh Arunachal-a Dhola inkalpawhna tura siam a ni.