Tripura Cabinet-in assembly-ah GST Bill putluh remti

Tripura assembly special session, May 23-a neih turah, cabinet meeting chuan Goods and Services Tax (GST) bill pharh a remti.

Kar kalta Zirtawpni zan khan cabinet meeting hi neih a ni a, spaecial session neih tura GST BIll pharh chungchanga an sawiho a ni. State finance minister Bhanu Lal Saha chuan Parliament chuan Integrated GST bill (for international trade) leh Central GST bill (for domestic trade)-te chu a lo pass tawh tih sawiin, state sorkar-te chu May 31 hma ngeia GST bill (for local trade) pass ve tura ngen an nih thu a sawi. Lal Saha chuan GST bill chungchang hi May 18-ah ngaihtuah ṭhat leh a nih tur thu sawiin, mipui hnen aṭanga chhiah lak ṭhin te chu, thil ṭhenkhatah 5 %, 12%, 18% leh 28%-ahte tihhniam a nih tur thu a sawi.

State Taxes and Excise De­part­ment chuan hemi chung­changah hian, Legislative Assem­bly member-te tan Spe­cial GST Dissemination Workshop a lo buatsaih tawh bawk a ni.