APSC Scam : Officer pathum dang man belh leh

Special Court Judge chuan Assam Public Service Commission (APSC) hnuaia hna laknaa thamna sum lak chungchangah ACS officer pathum te manna tur thupek a tichhuak a, ni 14 chhung police custody-ah dah turin a ti.

ACS officer pathum - Bhaskar Jyoti Devasarma, Bhaskar Dutta Das leh Amit Sarma-te hi Thawhlehni khan man an ni. May 4 khan thu zawhfiah an lo ni tawh a, May 31-ah Special Court-ah inlan leh tura tih an ni.

Nabakanta Patir chuan heng officer pathum te lakah hian petition a thehlut a, an kut aṭang hian police-te chuan pawisa fai cheng nuia 12 an man a ni. APSC hnuaia hna laknaa thamna sum lak kaihhnawihah hian mi eng emaw zat man an lo ni tawh a, officer lian leh politician-te pawh an inrawlh nia sawi a ni. He thila mawhphurtu bera ngaih APSC chairman Rakesh Paul chu man a nih hnuah suspend a ni a, a aiawh tur pawh ruat fel a ni tawh. Paul bakah hian APDC member dang Basanta Doley leh Samedur Rahman-te pawh man zingah hian an tel a, May 31 khian Court hmaah an inlan ve leh bawk ang.