Keite vun hralh tumtu 4 man

Arunachal Paradesh mi leh sa pali te chu keite vun leh ruh an kawl vangin Ningani khan Assam-ah man an ni.

Assam police-te chuan an mi man te hi Arunachal Pradesh health department hnuaia thawkte vek an nih thu sawiin, Biswanath district-a Dafalagarh tea garden-ah Kaziranga National Park official-te nen ṭangkawpin an man tih an sawi. An kut aṭang hian keite vun leh ruh kg 5 hmuh a ni a, hei hi a leichhawngtute hnenah cheng nuai thuma hralh an tum laiin an nangchinga an man zui ta a ni. An lirthei hman pawh hren sak an ni a, thuzawh fiah an ni. Keite hi Arunachal - Assam border velah an that nia tarlan a ni a, an mi man te hian an thah a nih loh thu leh, midang hnen aṭanga an lei chhawn a nih thu an sawi.

Hetih lai hian Assam Forest department hnuaia Special Task Force (STF)-te chuan Nilaini khan Biswanath Chariali district-ah sapeltu mi pali an man. An kut aṭang hian ramsa ruh, an vun leh an taksa peng ṭhenkhatte man tel a ni a, hemi hlut zawng hi cheng nuai sarih vel a ni. Special Task Force-te hian Kaziranga National Park huamchhung hmun ṭhenkhatah sapeltu dapchhuah hna hi an thawk a ni.