Nagaland Speaker-in NPF MLA 7-te ban tura ngenna a hnawl

Nagaland Assembly speaker Sharingain Longkumer chuan Naga People's Front (NPF) MLA pasarihte ban tura ngenna thehluh chu a hnawlsak. 

Petition hi NPF MLA Chotisuh Sazo leh Imkong L Imchen-ten an thehlut a, state assembly inthlana NPF ticket-a thlan tlin zinga MLA pasarihte chuan nikum Lok Sabha inthlanah Nationalist Democratic Progressive Party (NDPP) candidate Tokheho Yepthomi an thlawp avangin MLA an nihna aṭanga ban turin an phut a ni. Lok Sabha inthlanah hian NPF hian Congress candidate KL Chishi a thlawp laiin, an party MLA pasarihte hian NDPP candidate hi an thlawp thung a ni. Hei vang hia nikum April 24 khan party kalh zawnga an chet avangin ban tura ngenna petition hi thehluh a ni. 

Mahse speaker chuan NPF MLA pasarihte hian party dang candidate hi thlawp mah se, an party an chhuahsan tih lantirna rintlak a awm lo tih sawiin, MLA aṭanga ban tura phutna hi a hnawlsak ta a ni.