Tripura-ah hri kai 90 awm belh International border-ah ni 7 lockdown puang

Tripura-ah hri kai mi 90 hmuh chhuah belh an ni a, hri kai hmuh tawh hi mi 2,184 an tling tawh a ni. 

Thawhlehni khan sample 2,761 endik niin, heng zinga 90 chu an positive tih chief minister Biplab Kumar Deb chuan a sawi. Hri kai zinga a tam zawk hi enkawl dam an ni tawh a, hri kai mek hi mi 629 an la awm. 

Hri leng darh zel tur venna atan state sorkar chuan nimin aṭang khan international border-ah ni sarih chhung atan total lockdown a puang thar leh dawn. Law minister Ratan Lal Nath chuan Bangladesh nena an inrinaah July 17 aṭangin total lockdown hi kalpui a ni dawn tih a sawi.

Minister chuan ramri chhehvel bial ṭhenkhatah hri kai hi hmuh belh an awm zel avangin, mipuite himna turin state sorkar chuan he thutlukna hi a siam tih a sawi a ni.