Shillong lockdown Pawt sei lo

Meghalaya chief minister Conrad Sangma chuan state khawpui, Shillong-a lockdown puan chu pawhsei a ni lo tih a sawi. 

Thawhṭanni aṭanga nimin thleng khan Shillong-ah hian lockdown puan a ni a, hemi chhung hian Covid-19 kai hmuh tharte contact tracing ngawrh zawka neih a ni. Lockdown pawhsei ni lo mah se hri kai hmuh chhuah hi an la awm belh zel a rinawm thu health minister AL Hek chuan a sawi. 

Hek chuan hri kai hi an pun zel  avangin corona care centre-ah khum 200 tal mamawh belh a ni dawn a, sorkar pawhin inbuatsaihna  nasa zawkin a kalpui mek a ni, a ti. Meghalaya-a hian hri kai hmuh chhuah tawh hi mi 319 awmin, an zinga 46 enkawl dam an ni tawh. Covid-19 hri kai mek mi 289 zingah mi  205 chu Border Security Force (BSF) mi leh sa an ni.