Manipur: Leminin a chhilh ruang 7 la hmu lo

Manipur-a Noney district-a June 29-a leiminin a chhilhte ruang chu zawn chhunzawm zel a ni a, nimin thleng khan mi pasarih ruang erawh hmuh a la ni lo.

Makhuam (Marangjing)-a railway construction camp-a leimin nasa takin a chhilh zinga ruang 54 chu lakchhuah an ni tawh. He chhiatna thlenna hmun aṭang hian mi 18 chu chhanchhuah an ni bawk.

State relief and disaster management minister Awangbow Newman chuan state sorkar chuan chin hriat loha la awmte zawn hna hi ngawrh takin a thawk zel tih a sawi a, vawiin hian review meeting an neih tur thu a sawi bawk. Ruangte hi hmuh kim an nih hma chuan zawn chhunzawm zel an ni ang, a ti.

Ningani khan textiles, commerce and industry minister Nemcham Kipgen chuan lei minna hmun hi tlawhin, relief committee hnenah ṭanpuina sum a pe.