Nagaland Municipal Act siamṭhat a ni dawn

Nagaland Chief Minister Dr. Shürhozelie Liezietsü chuan Nagaland Municipal Act (NMA) siam ṭhat a nih tur thu a sawi.

Nagaland CM Liezietsü chuan he thu hi Ex-Parlia­mentarians Association of Nagaland (Ex-PAN)-te meeting an buatsaih a hman­puinaah a sawi a, state sorkar chuan dan siamṭha tur hian thutlukna a siam tawh tih a sawi. State sorkarin Nagaland Municipal Act (NMA) tlawh chhana Urbal Local Body (ULB) election-a hmeichhe tana seat 33% hausak duh lohna leh dodalna nasa tak a awm vangin, dan siam ṭha tur hian nawrna nasa tak a awm a ni. Hmeichhe tana seat 33% hausak hi dankalh niin a dodaltu tribal-te chuan an sawi. Dan hi siam ṭhat an phut bakah, sorkar thutlukna chu sut leh turin an phut a ni. NMA hian India danpui Article 371-A a kalh nia sawi a ni a, state sorkar chuan siamṭha turin thutlukna a siam ta a ni.

Nagaland-ah hian kumin February thla khan ULB election hi neih tura tih ni mah se, tribal ten hmeichhe tana seat hauhsak duh lohna lantira bandh an huaihawt avangin ṭhulh a ni a, tun thlengin inthlan hi kalpui a la ni leh lo. Tribal-te'n seat hauhsak chungchangah mawphurtua an puh chief minis TR Zeliang chu tribal-te'n nasa taka bang tura an nawr hnuah a nihna aṭangin a bang a, Dr. Shürhozelie Liezietsü chu chief minister thar atan lakluh zui a ni. Dr. Liezietsü hian kar Kalta Inrinni khan Nagaland Municipal Act (NMA) siam ṭhat a nih tur thu hi a sawi a, ULB elction pawh buatsaih thuai tum a nih thu a sawi.