NFR leh HECL-te'n MoU ziak

Northeast Frontier Railway leh Heavy Engineering Corporation Limited (HECL)-te chuan Darjeeling Himalayan Railway (DHR) tana spare part supply turin Memorandum of Understanding (MoU) an ziak.

MoU hi NF Railway Headquarters, Guwahati-ah ziah a ni a, HECL Chairman-cum-Managing Director Avijit Ghosh leh NFR Chief Mechanical Engineer (O&F) Boniface Lakra-te chuan hming a ziak a ni. He hun hi Minister of State for Railways Rajen Gohain leh NFR General Manager Chahatey Ram-te'n an telpui a ni. 

Minister Rajen Gohain chuan inremna ziah a ni thei ta chu lawmawm a tih thu sawiin, Railway ministry tan ni chhinchhiah tlak tak a ni, a ti. Darjeeling-a steam locomotive hi HECL chuan an spare part a supply sak dawn bakah, kawng hrang hrangah an thawk dun dawn a ni. N F Railway thupuangtu chuan United Nations Educational, Scientific and Cultural Organization (UNESCO) chuan kum 1999 khan steam locomotive hi world heritage site-ah alo puang tawh a ni.