Manipur-a bomb puakah police pali hliam

Manipur-a Chandel dis­trict-ah kar kalta Zirtawpni khan bomb a buak a, state po­lice pali-in hliam an tuar a, mi pahnihte dinhmun a ṭha lo hle.

Police-te'n Imphal an pan laiin, bomb hi Imphal-Moreh inkarah a tihpuah a ni. Hliam tuarte hi IAF chopper hmangin Imphal panpui nghal an ni a, an zinga mi pahnihte chu an dinhmun a ṭha vak lo nia tarlan a ni. Tun ṭum hi tun thla chhunga helten venhimna hna thawktu an beih ṭum hnihna a ni a, May 9 khan Territorial Army (TA)-te chu an lo lambun tawh a ni. He thil thlengah hian Army pahnih an thi a, hliam tuar an awm bawk.