Nagaland Legislative Assembly complex-a dan loa awmte hnawt chhuak

Nagaland-a Kohima district thuneitute chuan Inrinni liam ta khan Nagaland Legislative Assembly (NLA) complex-a dan kalha awmte a hnawtchhhuak.

Sub divisional officer (SDO) civil Chonpenthung Ezung chuan, "Dan loa sorkar rama awmte chhuahtir an ni. Helai ram hi Nagaland Legislative Assembly ram a ni a, Revenue Officer (RO) office aṭanga report kan dawn bawhzuiin, DC Kohima chuan dan loa awmte chhuah tir turin a ti a ni," a ti. NLA complex chhunga structure pahnih chu khawl hmanga tihchhiat a ni a, building pahnih kalh a ni bawk a, dan loa awmte chu inthiarchhuah tir an ni.

Hetih lai hian hnawtchhuah zinga pakhat chuan an awmna ram chu kumin January thla khan Rs nuai 2.5-3 velin a lei niin a sawi a, ram zim te, fet 25x30-a zau a ni a, hetah hian an khawsak vena tur in an khawr niin a sawi. A ram loneitu hmasate pawhin sorkar ram a ni tih engmah an hrilh lo niin a sawi a, hnawhchhuah an nih hma hian sorkar lam aṭangin hriattirna engmah an dawng lo niin a sawi bawk.