Assam district 5-ah police commando battalion din dawn

Assam cabinet chuan district panga-a state police commando battalion dinna tura a pawm a, hemi atan hian Rs vbc 839.95 ruahman a ni.

Thawhṭannia cabinet meeting chuan police commando dinna tur hi a pawm a, heng battalion din thar turte hi sensitive area-ah dah an ni dawn a, hel laka beihpui thlakna leh, pawikhawihna thleng ṭhin dona kawngah an ṭangkai dawn hle tih tourism minister Jayanta Malla Baruah chuan a sawi.

Battalion panga hi Hailakandi, Karbi Anglong, Sivasgarw, Biswanath leh Tinsukia district-ah din an ni ang.

Chief minister Himanta Biswa Sarma kaihhruai cabinet meeting hian a thuphungin National Forensic Science University (NFSU) Assam campus dinna tura ram pek pawh an remti bawk. Permanent campus hi din a nih hma chuan Health and Family Welfare department chuan Gauhati Medical College and Hospital-ah transit campus siamna tur hmun a ni dawn.

Council of Ministers hian Maharashtra-a Raigarh district-a Tiware khuaah Assam Complex dinna tur ram dil pawh an remti bawk. Srimanta Sankardev Kalakshetra Society-in complex an siam turah hian namghar (prayer and cultural hall), museum, guest house leh conference hall-te siam a ni ang.