IIM Shillong, NCW-in hmarchhak-a hmeichhe entrepreneur-te training pe dawn

IIM Shillong-a Centre for Development of North Eastern Region (CeDNER), leh National Commision for Women (NSC) thawkdun chuan hmarchhak biala hmeichhe entrepreneur-te training an pe dawn.

CeDNER hi IIM, Shillong din a nih tirh aṭangin din tel ve nghal a ni a, ṭhalai entrepeneur, sumdawng leh hmeichhia bakah sorkar officer-te pawh training an lo pe tawh a ni.

National Commission for Women hi kum 1992, January thla khan National Commission for Women Act, 1990 ( Act No. 20 of 1990 of Govt. of India ) hnuaiah din a ni a, hmeichhiate dikna chanvo humhalh sak tur te, an harsatna sutkian sak dan ngaihtuah leh, kawng hrang hranga hmeichhia kaihhnawih thil police-a thurawn petu tura din a ni.

Hmeichhe entrepreneur-te hi September 3 aṭanga October 16 thleng class pek an ni awn a, he huna tel duhte tan August 12 thleng dilna a thehluh theih dawn a ni. Course an zawh hnuah IIM Shillong aṭangin course certificate pek an ni ang.