NDFB-S hel pawl hruaitu kaphlum

Indian Army leh Assam Police-te chuan Pathianni khan helpawl - National Democratic Front of Bodoland-Songbijit (NDFB-S) hruaitu Jwrimiya Muchahary chu Manas Reserve Forest-ah an kaphlum tih Defence thupuangtu chuan a sawi.

Gajraj Corps hnuaia Army Red Horn Division leh Assam police-te chuan Manas Reserve Forest-ah hian hel dapchhuah beihpui an thlak a, camp hmu fuhin, NDFB-S hruaitu hlun Muchahary hi an kaphlum ta a ni. Muchahary hi M Jwrimin tia hriat lar a ni a, tharum thawhna leh inrikrapna thleng ṭhinah a phusa ber pawl a ni. Muchahary hi tunhnai khan NDFB(S)-ah deputy commander-in-chief atan ruat a ni. December 23, 2014-a Chirang district-a Dwimuguri khuaa mi 70 thihnaah khan a bultumtute zingah a tel bawk. Defence thupuangtu chuan beihpui thlaktute leh helte hi nasa takin an inkap tih a sawi a, inkahna hmunah hian M-16 automatic rifle, 9 mm Beretta pistol leh silai mu ṭhahnem tak an man tih a sawi.

Kar kalta Zirtawpni khan security force-te chuan United Liberationn Front of Assam- Independent (ULFA-I) hruaitu Rajan Deka leh Ramesh Bora-te chu an kaphlum bawk.