Nagaland CM fapa MLA aṭangin a bang

Nagaland Chief Minister Shurhozelie Liezietsu-a fapa, Parliamentary Secretary Khriehu Liezietsu chu a pa tana seat kian turin Nilaini khan Nagaland Assembly member a nihna aṭangin a bang.

State sorkar laka lungawi lohna lantir nawrh huaihawt a nih reng hnuah TR Zeliang chu chief minister a nihna aṭangin a bang a, a ban hnu February 22 khan Shurhozelie Liezietsu hi chief minister atan dah a ni. Mahs Liezietsu hi assembly member a nih loh avangin thla ruk chhung ngeia MLA atana thlan tlin a ngai a ni.

Khriehu Liezietsu-a ban­na hi Assembly Speaker Dr. Imtiwapang Aier chuan pawm­sakin, a bial 10 Northern Ag­nami I chu seat ruakah a puang nghal a ni. Dr Imtiwapang chuan by-election neih tur hi Election Commission in rawn ruatin, hemi hnua hian inthlan kaihhnawiha hriattirnate chu tihchhuah a ni ang tih a sawi. By-election hi August 31 hma ngeia buatsaih a ngai dawn a ni.