Manipur-ah oil zawn hna kalpui mek

Manipur State Level Conven­tion on Oil Exploration team-a an project manager Sumit Mahajan chuan, oil zawn hna hi thla hnih liam ta vel aṭang khan an thawk ṭan tih a sawi a, Jribam district leh Imphal West-a Khaidem khuaah te hna thawh mek a ni, a ti. Hna hi kalpui mek zel a nih thu sawiin, an beisei anga a hlawhtlin theih chuan ṭhalai tam tak tan hna thawh tur a awm dawn niin a sawi. Survey hi April 2019-ah zawh hman beisei a nih thu sawiin, Directorate General of Hydrocarbons (DGH) leh Ministry of Petroleum and Natural Gas-te'n hma an lak chhunzawm tur thu a sawi.

Mahajan chuan Ministry of Petroleum and Natural Gas chuan Jubiliant Oil and Gas Private Limited (JOGPL) tan license a pe chhuak tih sawiin, Netherland oil exploration company chuan Manipur-ah hian hna an thawk dawn tih a sawi. Company-te hian Jiribam, Tamenglong leh Chura­chandpur district-ahte project an kalpui dawn tih a sawi bawk.