AP-ah film and animation Institute din dawn

Arunachal Pra-desh sorkar chuan film and animation institute changtlung tak din a remti. Hemi chungchang hi budget session-ah sawiho a ni a, member-te'n an pawm a ni.

Film and Animation Institute hi Satyajit Ray Film and Television Institute (SRFTI), Kolkatta hnuaia awm, National Film and Television Institute and Animation (NFTIA) chuan a din dawn a ni.

Chief Minister Pema Khandu chuan film institute din tur hian hun eng emaw chen ṭang tawha hmalakna kalpui a nih tawh thu sawiin, zirlaite chuan editing, sound designing, cinematography bakah, film leh animation kaihhnawih thil pawimawh hrang hrangte an zir thei dawn a ni, a ti. Hei hi Deen Dayal Upadhyaya Swalamban Yojana hnuaiah din a nih tur thu a sawi bawk. State sorkar chuan NFTIA a thawhpui dawn tih sawiin, building sak la ni lo mah se, temporary campus-ah class kalpui ṭan a nih tawh tih a sawi. Building sak hna hi kumin September aṭanga ṭan tum a nih thu a sawi bawk.