Assam-a pipe puakah mi pakhat a thi

Assam-a Dibrugarh district-ah Ningani khan Dikom-a Oil India Limited pipeline a pual a, mi pakhat a thi.

Dikam hi nimina Prime Minister Narendra Modi-an a hawn, Dhala-Sadiya bridge aṭanga km 80 vela hlaa awm a ni.

Police-te chuan pipeline-a pressure a nasat avangin a puak niin an sawi a, hel nena inhnam­hnawih thil a ni lo tih an sawi. Hetih lai hian ULFA hnuaia sorkar nena inbiakna neih duh lotu lam, United Liberation Front of Asom - Independent (ULFA-I)chuan pipeline puak hi an ti niin an chhal thung.

Pipeline puak vanga thi hi a ruang a chhe hle a, a puakna bulah lawkah hmuh a ni. Report ṭhenkhat chuan ruang an hmuh hi ULFA-I member niin a tarlang.