Tripura-ah zirlaiten Chief Minister an dang
Ningani khan Tripura Assembly session neih tura eptu party zirlai pawl hruaitu nawrh huaihawtte chuan Chief Minister Manik Sarkar-an assembly building a lut tur an dang.
Trinamool Chhatra Parishad activist-te chuan Women’s Polytechnique College-a first year zirlai, Anwara thih dan chhui chian phutin VIP Road-a Assembly luhna bulah nawrh an huaihawt a ni. Police-te chuan he tualthihna thlenga hian zirlai Anwara-i pu chu inhnamhnawiha puhin an lo man tawh a ni.
TMCP activist-te hian Chief Minister Sarkar-a motor hi Assembly entrance gate-ah an lo dang a, CM hian House a lut thei lo a ni.
He thil thleng hi assembly session-ah member-te chuan an dem thu an sawi nghal a, motion pawh an pass nghal a ni. Deputy Speaker Pabitra Kar chuan hetiang hi democracy ramah a thleng tur a ni lo, a ti.