Assam-ah Sukhoi-30 tla hmuh a ni

Indian Air Force (IAF) Sukhoi-30 MKI chu hun eng emaw chen chin hriat loha a awm hnuah, kar kalta Zirtawpni khan Assam-ah hmuh a ni.

Su-30 tlakna hi Tezpur aṭanga km 60 vel a hla a ni a, search and rescue team-te chuan Sukhoi-30 zawn hna hi an thawk a, kar kalta Inrinni khan a tlakna lai hi an hrechhuak a ni. Jet fighter tlakna lai hi ram hnuaia hmun chengker tak a ni a, lak chhuah hna thawh a harsat thu, Defence thupuangtu chuan a sawi. Indian Air Force (IAF) official chuan a tlakna hmun hi IAF Special Force Garud leh Army Para Special Force-te chuan an pan nghal tih sawiin, Su-30 hi a chhe hneh hle tih a sawi. Pilot pahnih an chuang a, May 23 khan IAF Tezpur airbase aṭangin an thlawk chhuak a, Arunachal Pardesh-a India-China border aṭanga km 172 velah hlaah training mission nei turin an kal a ni. An thlawh chhuah hnu dar 11.10 a.m vel aṭngin biak pawh theih lohin an awm zui a ni.

Tezpur hi ram chhunga IAF air base pathum zinga pakhat niin, nikum khan Sukhoi-30MKI chu Assam-a Nagaon town-ah a lo chesual tawh bawk a ni. Indian Air Force (IAF) Sukhoi-30 MKI jet leh pilot pahnih ni li chhung zet chinhriat loha an awm chhan hi Court of Inquiry chuan a chhui chiang dawn a ni.