Anawara Chowdhury Case : Tripura sorkarin doctor 2 show-cause notice pe

Tripura sorkar chuan Anawara Chowdhury enkawl a nih dan chung­chang chhuina kal zelah doctor pahnih - Dr Mano­ranjan Debbarma leh Shyam Sundar Saha-te chu show-cause notice a pe.

Health minister Badal Choudhury chuan hemi changchang hi assembly-aha sawi chhuak a, Health Department -in he thil thleng a chhuichianna kal zelah doctor-te hi show-cause notice a pe tih a sawi. Choudhury chuan engineering student Anawara Choudhury thihdan chu chhuizui mek a la nih thu sawiin, a thih danah doctor-te'n mawh an phur em tih zawn mek a ni, a ti. He case hi CID kutah hlan a ni tawh tih sawiin, IPC section 302 leh 120 (B) tlawhchhanin thubuai ziahluh a nih thu a sawi bawk.

Anawara Choudhury hi tura hraihlum niin thu a thang a, a ruang pawh post-mortem a nih bakah, forensic test neih a ni. He thil thleng hi zirlai pawl hrang hrangte chuan an dem thu an sawi bakah, chhui chian an phut thu an lo sawi tawh a ni.