Modi-a'n Manipur BJP lawmpuina thu thawn

Prime Minister Narendra Modi chuan Manipur-a Rajya Sabha election-ah Bharatiya Janata Party (BJP)-in hnehna an chang chu ropui a tih thu sawiin, lawmpuina thu Pathianni khan a thawn.

Prime Minister Modi chuan lawmpuina thu hi Twitter-ah a tarlang bawk a, BJP chuan hma an sawn zel tur thu a sawi. BJP-in Manipur-ah a,vawikhatna atana Rajya Sabha election-ah hnehna an chang ta chu thinlung taka a lawmpui thu sawiin, thil chhinchhiah tlak tak a ni, a ti. Modi chuan BJP kaihhruai NDA sorkar chuan hmarchhak hmasawnna a ngaipawimawh hle tih sawiin, hemi tihlawhtling tur hian projcet ṭhahnem tak duan a nih thu a sawi.

BJP ticket-a ding K Bhabha­nanda Singh chuan Congress candidate E Dwijamani chu hneh a ni. Bhabananda hian vote 39 a hmu a, ahmah hnaibertu Dwijamani cian vote 21 a hmu a ni. Congress MP Abdul Salam chu February 28, 2017 khan a boral a, a hmun ruak luah tur hian May 25 khan by-eelction hi neih a ni. Party panga - BJP, Naga People Front (NPF), National People’s Party (NPP), Lok Janshakti Party (LJP) leh Congress aprty-te chuan candidate pakhat ṭheuh an thehchhuak a ni. By-election-ah hian ballot paper hmanga vote lak a ni.