Motor registration online system hmang

Assam sorkar chuan motor registration tihna tur leh, driving license dilna turin mipuite tana awlsam zawk nan online system a hmang ṭan. Transport office-a kal kher loin, online hmangin a tihfel theih tawh dawn a ni.

Transport secretary Adil Khan chuan system thar hi chip-based smart card thlak a, QR (Quick Response) code-based registration certificate leh driving licence card pekchhuahna tura hman a ni dawn tih a sawi. Union ministry of road transport thuchhuah zulzuia he system thar hi hmang an nih thu a sawi bawk.

Khan chuan, "He dan thar hmang hian registration certificate leh drivince licence la tura DTO office-a paper leh fee-te pe ṭum eng emaw zat kal ngai ṭhin chu pumpelh a ni tawh dawn a ni," a ti. RC-a QR code-ah hian security feature - Guilloche pattern, micro line, watermark leh hologram-te dah tel a ni ang. Driving test pass tawhte chuan licence la turin DTO-ah an kal kher a ngai tawh dawn lo a, post hmangin an license hi ni 3-5 chhungin thawn zel an ni tawh bawk ang.