Guwahati-ah National Centre for Disease Control unit din dawn

Assam sorkar chuan Guwahati khaw dai, Rani-ah National Centre for Disease Control (NCDC) unit a din dawn tih state health minister Keshab Mahanta chuan a sawi.

Health Minister chuan centre dinna tur hian Rani-a community health centre bul ram chu thlan a ni tawh tih a sawi nghal bawk. Inrinni khan centre dinna tur ram hi a tlawh a, official-te chu a rang thei anga hna thawh ṭan nghal a ni theihna tura thil ṭulte buaipui nghal turin a hrilh.

Union minister of health and family welfare-in Ayushman Bharat scheme hnuaia NCDC centre dinna tur state panga a thlan zingah Assam hi a tel a ni. Guwahati bakah Dehradun (Uttarakhand), Bopal (Madhya Pradesh), Ahmedabad (Gujarat) leh Bengaluru (Karnataka)-ahte din a ni ang.

NCDC hian hri leng - Japanese Encephalitis, Malaria, Covid bakah a dangte chungchang zirchianna, enkawl dan leh hri leng khuahkhirh a nih theih dan chungchangte a buaipui. Hri leng chungchangah training pawh a pe ṭhin dawn a ni.