Assam : Barak Valley-ah wildlife sanctuary siam belh dawn

Assam governor Jagdish Mukhi chuan Barak Valley-a Barak Bhuban Wildlife Sanctuary siam rawtna a pawm.

Barak Valley-ah hian Barail Wildlife Sanctuary a awm tawh bawk.

Barak Bhuban Wildlife Sanctuary hi ram square km 320-a zauah siam a ni dawn a, Barak lui leh Sonai lui inkarah siam a ni ang. Governor hian Deputy Commissioner, Cachar, Silchar chu sanctuary siamna tur chungchangah buaipui ngaite enfiah turin a ruat nghal bawk. Sanctuary siamna turah hian ramsa chi riat - slow loris, rhesus macaque, pig-tailed macaque, stump-tailed macaque, Assamese macaque, capped langur, leaf monkey leh hoolock gibbon-te an awm a, heng bakah hian king cobra pawh an awm tih Cachar Forest Division chuan a sawi.

Barak Valley-ah hian district pathum - Cachar, Hailakandi leh Karimganj-te a awm a, he valley-ah hian sava lam chi 550 leh ramsa chi hrang 100 vel an awm a ni.