Meghalaya-ah vawksa eisual vangin naupang pariat thi
Meghalaya-a Ri-Bhoi district-ah vawksa eisual avangin naupang pariat an thi a, midang 100 vel chu hospital-ah dahluh an ni.
Ri-Bhoi district-a Nongkya khuaah Pathianni khan biak-ina inkhawmte tan ruai buatsaih a ni a, vawksa ei mi eng emaw zat chuan an taksaah harsatna an tawk zui a ni. Ri-Bhoi District Magistrate Chinmay P. Gotmare chuan, vawksa ei zinga naupang pathumte chu Thawhṭanni khan a boral tih sawiin, a dang pangate chu Thawhlehni khan an thi ve leh a ni, a ti. Midang 100 vel zet chu hospital-ah dah luh an ni a, he thil thleng chungchangah hian magisterial inquiry tih nghal a ni, a ti. Nongkya khua ami te chuan an vawksa ei hi a him tawk loh bakah, tur telh niin an sawi.