Meghalaya-ah bawng talh khapna hman a ni lo ang - BJP Tura President

BJP Tura district president, Bernard N Marak chuan Meghalaya-ah bawng khapna dan hman a nih loh tur thu a sawi.

BJP hruaitu Marak chuan, Meghalaya-ah hian BJP hruaitu tam zawk chu bawngsa ei an ni a, khapna hi kalpui a rem lo tih a sawi. A bikin Garo Hills-ah bawngsa ei an tam tih sawiin, Hill area leh hmun dangah pawh bawngsa ei hi an tam hle a ni, a ti. Nakkuma Meghalaya-in assembly a hmachhawn hunah BJP-in hnehna an chang a nih pawhin bawngsa ei, zawrh leh talh khap a ni dawn lo a, a man khuahkhirh a nih zawk tur thu leh, a talhna pawh mumal zawka kalpui a nih tur thu a sawi. Congress kaihhruai state sorkar chu sa man bithliah kawngah a hlawhchham nia sawiin, hei hi sorkarna an chan hunah chuan a tawp tur thu a sawi. Marak chuan Meghalaya-ah slaughter house mumal tak a awm lo tih a sawi bawk.

Hetih lai hian BJP West Garo Hills district pre­sident Bernard N. Marak chuan sorkar laipui thupek chhuah avang hian an party a chhuahsan thu a puang. Marak chuan district president a nihna a bansan bakah, party a chhuahsan tih a sawi bawk.