Tripura University-in ramdang zirlai a hip

Tripura University Vice Chancellor Anjan Kumar Ghosh chuan ramdang zirlaiin Tripura University an bawh nasat thu a sawi.

Vice Chancellor Kumar Ghosh chuan, ṭhen­awm ram Bangladesh leh hmun dang aṭangtein Tripura University pan­tu hi an pung zel tih a sawi. Tun dinhmunah Bangladesh zirlai 13 an nei mek tih sawiin, hei hi a punchhoh zel beisei a ni, a ti. Myanmar, Nepal leh Bhutan aṭang pawhin zirlai eng emaw zat an nei tih sawiin, an punchhoh zel a beisei awm a ni, a ti. Ghosh chuan an University-ah hian tribal-te tan hmun a tam thu sawi telin, hun rei tak chhung Chancellor an nei lo erawh pawi a tih thu a sawi. Hetihlai hian University Grants Commission (UGC) chuan Tripura University hi Central University endik ngai a thlan chhuah 10 zingah a tel a ni. Tripura University hi kum 1987-a din a ni a, kum 2007 khan Central University-ah hlankai niin, coures hrang hrang 42 zirna a awm mek a ni.