Assam-ah Inter State Terminal Market din a ni dawn
Assam sorkar chuan agriculture leh allied sector lama hmasawnna turin Inter State Terminal Market din a nih tur thu a sawi.
Agriculture minister Atul Bora chuan, kum 2021-ah chuan agriculture lama eizawngtute chuan tuna an thawhchhuah leh an sum an hmuh theihna turin market hi a ni dawn tih a sawi. Hemi tihlawhtling tur hian state sorkar chuan tubewell nuai khat, solar pump 10,000 leh small rice mill 400 chuang a din dawn a ni, a ti. State sorkar chuan he project atan hian cheng vbaibelchhe 150 a ruahman tih sawiin, hna hi kum 2018 aṭanga ṭan tura ruahman a nih thu a sawi. State sorkar chuan kut hnathawka eizawngte chawikanna turin nasa takin hma a la tih sawiin, Assam State Agricultural Marketing Board (ASAMB) chuan tun hnaiah alu quital 17,000 a lei tawh tih a sawi. ASAMB chuan kuthnathawktute thlai thar chhuah man man zawkin a leisak zel dawn tih a sawi bawk.
Agriculture minister chuan Inter State Terminal Market din nan hian sorkar chuan Silchar-ah ram bigha 50-a zau a ruahman tih sawiin, hei hi hmarchhaka a hmasa ber tur a nih thu a sawi.