Sikkim-in police reform and disciplinary committee din dawn

Sikkim chuan police force siamṭhatna tura hmalakna kawng khat atan reform and disciplinary committee a din dawn.

Chief minister PS Tamang chuan Pathianni khan police department senior official-te chu a chenna inah meeting a neihpui a, meeting zawh hnuah committee din a nih tur thu hi a puang a ni.

CM Tamang chuan, "Police-te leh police force siamṭhat a, tuai thar turin hmalak a ngai a ni," a ti. Committee hi additional director general of police (ADGP) Akshay Sachdev-a'n a ho dawn a, senior police officer-te chu committee member-ah dah an ni dawn bawk. Committee hian thla khat chhungin state sorkar hnenah report a thehlut ang.

Sikkim police official 50 chu Bangalore-ah behavioural psychology, mental health counselling leh stress management chungchangah training neih tir an ni dawn bawk. Hemi atan hian tun hnai khan Sikkim police department leh Bangalore-a National Institute of Mental Health Neurosciences (NIMHANS) chuan memoradum of understanding (MoU) an ziak a ni.