Tripura-ah leimin mi 3 chhilhhlum

Tripura police-te chuan kar kalta Inrinni zan khan leiminin mi pathum a chhilh­hlum tih an sawi a, an vai hian in khata cheng an ni.

Thite hi chhungkaw nu ber Kajal Kanya Deb­barma (47) leh a fate pahnih an ni a, an vai hian a hmunah hian an thi nghal a ni. Leimin hi Northern Tripura-a Kamalpur-a thleng a ni a, leimin hian in hi a chhilh pil vek a ni. Tripura State Rifles (TSR)-te chuan chhanchhuah hna an thawk nghal a, ruang te hi lak chhuah an ni tawh. Kajal Kanya pasal Rooti Debbarma chuan hliam na tak a tuar a, hospital-ah dahluh nghal a ni. Ruah a sur nasat avangin duh angin chhanchhuah hna thawh chak theih a ni lo tih tarlan a ni. Inrinni zan vek khan Northern Tripura-a Churaibari-ah ṭek tlain mi pakhat a denghlum bawk.