Meghalaya police-te'n Journalist chenna in an dap

Meghalaya police-te chuan an state khawpui Shillong-a senior journalist P Sohkhle chenna-in an dap a, he thil thleng hi journalist-te chuan an dem thu an sawi.

Shillong Press Club (SPC) chuan court phalna la hmasa loa police-te'n P Sohkhlet chenna-in an dap chu dan kalh a nih thu sawiin, an dem takzet tih an sawi. Sohkhlet bakah SPC-a an general secretary chenna-in pawh dap a ni a, police-te chetdan hi hriatthiam harsa an tih thu an sawi. City police SP Vivek Syiem chuan thupek an dawn anga che mai an nih thu sawiin, journalist chenna-in an dap tih an inhriat loh thu a sawi. Shillong Press Club President D O Laitphlang chuan he thil thleng hi chhui chian an phut tih sawiin, thil diklo titute chu dan anga hrem an duh tih a sawi.