Meghalaya : Congress office beih a ni Mipui punkhawm khap
Meghalaya-a Congress office chu beih a ni a, Ri-Bhoi district-ah lirthei tihchhiat a ni bawk. He thil thlen hnu hian dan leh thupek khauh zawka kenkawh a nih theih nan mipui punkhawm khap a ni.
He thil hi kar liam taa thleng kha niin, Khasi Students Union (KSU) hruaitu mi pangate man an nih hnua thleng a ni. Ri-Bhoi district-a Nongmynsong leh Umiam Lake area-ahte newspaper phur motor, bus leh lirthei dangte suasam a ni. District thuneitute chuan dan leh thupek khauh zawka kenkawh a nih theihna turin CrPC section 144 tlawhchhanin mi panga aia tam punkhawm an khap nghal a ni. He thil thleng hi KSU-te'n Ri-Bhoi district-a railway project kalpui duh lohna an lantir aṭanga inṭan a ni. He thil thleng hi chhui zui mek a ni a, office beitute leh lirthei suasamtute hi man chhuah an la ni lo.