Tripura BJP MLA eng emaw zatin Congress zawm an tum : PCC chief

Tripura Congress president Birajit Sinha chuan an state-a rorellai, BJP MLA eng emaw zatin Congess party zawm an duh a, an inbe mek niin a sawi.

Sinha chuan kum 2018 inthlan hmaa Congress party member lo ni tawh, BJP MLA eng emaw zat chu thla rei loteah Congress-ah an lut leh dawn a ni tiin Thawhṭannia Khowai Congress Bhavan a tlawhnaah a sawi a ni.

"Congress party chuan mipui tan beiin theihtawp a chhuah reng ṭhin. A hma pawhin BJP aia chak zawk pawh a lo hneh tawh ṭhin. Hei vang hian Tripura chauh ni lo, ram pumah Congress party hi a rawn tho chhuak leh thuai dawn," tiin Sinha chuan a sawi.