AP-ah ṭek tlain mi 4 a deng hlum

Arunachal Pardesh-ah tunhnai khan ṭek tlain mi pali a deng hlum a, midang parukin hliam an tuar bawk.

Ṭekin a denhlum te hi Changlang district-a Gandhi­gram khua cheng hmeichhe pakhat leh naupang pathum an ni a, hliam tuar mi dang parukte pawh hospital-ah dahluh nghal an ni. Thi te hi Shalida Yobin (38), Jalina Yobin (12), Chanisa Yobin (14) leh Chathiya Yobin (13)-te an ni. Chief Minister Pema Khandu chuan vanduaina tawkte a tawrhpui thu hi a sawi tawh a, state sorkar chuan zángnadawmna a pek tur thu a sawi. Khandu chuan hliam tuarte inenkawlna pawh sorkarin a tum sak tur thu sawiin, an dam leh thuai a beisei tih a sawi.