Nagaland-a inlambunnaah sipai 5 thi
Nagaland-a Mon district-ah Nilaini khan hel pawl - National Socialist Council of Nagaland-Khaplang (NSCN-K) leh United Liberation Front of Asom-Independent (ULFA-I)-te chuan Indian Army-te an lambun a, sipai panga an thi.
Inkahna hi Nagaland huamchhung India-Myanmar border-a thleng niin, thi zingah hian Major David Manlum pawh a tel a ni. David Manlum hi Territorial Army-a an Major a ni. Sipaite hi National Socialist Council of Nagaland-Khaplang (NSCN-K) leh United Liberation Front of Asom-Independent (ULFA-I)-te chuan lo lambunin, an inkap zui nghal a ni. Sipaite hian hel pali an kap hlum ve bawk a, tute nge an nih erawh finfiah a la ni lo. Police-te chuan Oting khuaa inkahna thlengah hian 12 Para Commando zinga mi pathum chuan hliam na tak an tuar bawk tih sawiin, an dinhmun a ṭha lo hle tih an sawi.
Nagaland Police chief L.L. Doungel chuan helte hian Myanmar aṭangin Nagland an lo lut tih sawiin, Mon district-ah hian hel dap chhuah beihpui thlak nghal a nih thu a sawi.