PM Modi leh Arunachal tlang lawn mi inkawm
Prime Minister Narendra Modi leh Aruanchal Pardesh tlang lawn mi Anshu Jamsenpa-te chu Thawhṭanni khan an inkawm a, Modi chuan lawmpuina thu a sawi.
Mountaineer Anshu Jamsenpa hian tun hnai khan a ṭum ngana atan Mt. Everest a lawn chhuak a, ni nga lek chhungin vawi hnih zet khawvela tlangsang ber hi a lawn chhuak a ni. Jamsenpa-i hlawhtlinna hi PM Modi chuan Twitter lamah lawmpuina thu a lo tarlang tawh a ni. Modi chuan a hlawhtlinna hi ropui a tih thu sawiin, hetiang ti thei hmeichhia hian chawimawi a phu thu a sawi. Kum 37 mi hi hmeichhe zinga ni nga lek chhunga Mt. Everest vawi hnih lawn chhuak thei pahnihna chiah a ni.
Jamsenpa hian kum 2011 May thla khan ni 10 chhungin ṭum hnih a lo lawn chhuak tawh a, ama record lo siam tawh hi kumin May thla khan a khum leh a ni. Kum 2013 khan khawvela tlang sang ber hi a lo lawn chhuak tawh bawk. Inkawmna hun hi Union Minister of State for Home Kirn Rijiju chuan a telpui a ni.