Manipur recovery rate-in hma sawn

Manipur-a hri kai zinga mi 60 chu Nilaini khan an dam tawh avangin Covid-19 Care Center aṭangin chhuah tir an ni a, an state recovery rate pawhin hma sawnin 63.52% a ni tawh tih additional health director Dr K Sasheekumar Mangang chuan a sawi. 

Hri kai  hmuh chhuah tawh hi mi 1,700 ni tawhin, an zinga 1,080 chu enkawl dam an ni tawh a ni. Nilaini vek khan hri kai hmuh chhuah belh mi 28 an awm a, an zinga pali chu pawn lama zin chhuahna nei lo niin midangte chu state dang aṭanga haw an ni. Hri kai hmuh thar zingah hian security guard pakhat leh Thoubal district-a volunteer pakhat an tel.