Assam-ah Digital Archive hawng

Assam sorkar chuan Thawhlehni khan Digital Archive a hawng a, hei hi hmarchhaka a hmasa ber a ni.

Digital Archive hmingah hian Jyoti Chitraban Digital Archive tih a ni a, Guwahati-ah hawn niin, film, music, special event, photograph bakah thu leh hla vawn ṭhat nan hman a ni ang. State Culture Minister Naba Kumar Doley chuan Archive hi hawngin ṭangkai taka hman a nih a beisei thu a sawi. Hawnna hun hi Assam Chief Minister Sarbananda Sonowal chuan a hmanpui a, a ni bakah hian filmmaker eng emaw zat an tel bawk.