Rajnath-a'n hmarchhak CM 4-te meeting neihpui dawn

Union Home Minister Rajnath Singh chuan security chungchangah hmarchhak state pali-a chief minister-te chu meeting a neihpui dawn.

Meeting hi June 12 hian Mizoram khawpui Aizawl-ah neih a ni dawn a, security chungchang bakah India-Myanmar border-a hna thawh mek an sawiho ang. He hunah hian Arunachal Chief Minister Pema Khandu, Nagaland CM Shurhozelie Liezietsu, Manipur CM N Biren Singh leh Mizoram Chief Minister Lal Thanhawla-te an tel dawn a ni. HM chuan meeting hi a kai­hruai ang. India leh Myan­mar inrina hi km 1,643-a thui a ni a, ramri hung hna hi thawh mek a ni.

Security chungchang­ah hian Union Home Minister hian Himalayan state panga - Jammu and Kashmir, Himachal Pradesh, Uttarakhand, Sikkim leh Arunachal Pradesh-te chu meeting a lo neihpui tawh bawk.