Tripura sorkarin 7th Pay hman tum

Tripura Chief Minister Manik Sarkar chuan an state-ah 7th Pay commission hman a nih theih nan hmalak mek a nih thu a sawi.

Chief Minister Sar­kar chuan hemi chung­changah hian Finance Minister Bhanu Lal Saha chu hma la tura tih a nih thu sawiin, zirchianna neih a nih hnuah report peih fel a nih tawh thu a sawi. Finance Minister chuan zirchianna nei tur hian member pathum awmna panel din a nih thu sawiin, anni hian thla hnih chhung zirchianna an neih hnuah May 31 khan report hi sorkarah thehluh a ni, a ti. Report zir­chhianna hi neih leh a ni ang a, chu mi hnuah state sorkar chuan thutlukna a siam dawn a ni, a ti.

Finace Minister chuan tunhnaia Manas Reserve Forest, Assam-a helte nena an inkahnaa nunna chan SSB Inspector Amal Sarkar (47)-a chhungte hnenah zángnadawmna cheng nuai nga pek cabinet-in a remtih thu a sawi bawk.