Assam CM leh Union Minister-in Scheduled Tribe chungchang sawidun

Assam Chief Minister Sarbananda Sonowal leh Union Tribal Affairs Minister Jual Oram-te chuan kar kalta Inrinni khan Assam khawpui Guwahati-ah Scheduled Tribe (ST)-te hmasawnna tur chungchang an sawidun.

Meeting-ah hian Assam CM Sonowal chuan Union Minister hnenah hian tribal-te hamṭhatna tur hrang hrang ngaihtuahpui turin a ngen a, tribal school din a nih theih nan hma lak pui turin a ngen bawk. Assam-ah tribal school eng emaw zat din a nih tawh thu sawiin, din belh zel a duh thu a sawi. Majuli district-ah Ekalavya School din a nih theih nan te, an state-ah Ekalavya Residential School pali din belh a nih theih nana hma lak puiah a sawm. Union Minister chuan heng tribal school-a zirlaite tan Assam leh sorkar laipui chuan zirlai pakhat zelah kum khat chhungin cheng 42,000 zel an senral

ṭhin thu a sawi. Tribal-te hmasawnna chu sorkar laipui ngaihpawimawh a nih thu sawiin, hamṭhatna hrang hrang ngaihtuah sak an nih thu a sawi bawk.