Assam sorkarin Green Oscar dawngtu chawimawi

Assam sorkaar chuan environment venhim kawnga a hna thawh ṭhat avanga Green Oscar dawngtu environmentalist Purnima Devi Barman chawimawina hun a buatsaih.

He hun hi Raj Bha­wan-ah neih a ni a, he hun hmanpuitu Governor Banwarilal Purohit chuan Barman hnenah hian chawimawina a hlan a ni. Governor Banwarilal Purohit chuan Devi Barman hnathawh chu ropui a tih thu sawiin, hei hian state mipuiteah khawvel chhe mek zel veng turin chona thar a pek ngei a beisei thu a sawi. A hmalam hun atan duhsakna hlanin, mipuite zirtirna kawngah pawh nasa zawka hma la zel turin a fuih bawk.

Devi Barman hian Assam leh hmun danga hmuh tur awm zen tawh lo sava chi khat chi khat, kanghlai an tih mai 'Stork' venghim turin beihpui a thlak a, a campaign hmingah hian ‘Hargilla’ vuahin, Kamrup district-a Pacharia, Dadara leh Singimari khuaahte nasa takin beihpui a thlak a ni. Stork bakah hian khawvela mang mai thei thil tam tak veng him tur leh an mang mai loh nana a tihpun kawngah nasa takin hma a la bawk.